“Sport sohasida gender tenglik : muammo va yechimlar” mavzusida konferensiya bo‘lib o‘tdi.

O‘zbekiston Respublikasi Olimpiya va paralimpiya shon-shuhrati muzeyida “Sport sohasida gender tenglik: muammo va yechimlar” mavzusida konferensiya bo‘lib o‘tdi. Tadbirda sportda gender tenglikni ta’minlash, ayollarning sportdagi ishtirokini kengaytirish va mavjud muammolarga yechim topish masalalari muhokama qilindi. Konferensiyada O‘zbekiston Respublikasi Oliy Majlisi Senatori Malika Qodirxonova, O‘zbekiston Respublikasi Bosh vaziri o‘rinbosari — Oila va xotin-qizlar qo‘mitasi raisi Zulayho Mahkamova, O‘zbekiston Respublikasi Sport vaziri Adham Ikramov hamda O‘zbekiston Respublikasi Bosh prokurori o‘rinbosari Svetlana Artikova ishtirok etdilar. Tadbir davomida sport sohasida gender tenglikni mustahkamlash, ayollar uchun teng imkoniyatlar yaratish, sportdagi diskriminatsiyani bartaraf etish bo‘yicha dolzarb masalalar atroflicha muhokama qilindi. Shuningdek, ishtirokchilar tomonidan ilgari surilgan taklif va tashabbuslar orqali bu yo‘nalishda samarali chora-tadbirlarni amalga oshirish zarurligi ta’kidlandi. Konferensiya yakunida sportda gender tenglikni ta'minlashga qaratilgan amaliy taklif va tavsiyalar ishlab chiqildi.