Olimpiya va paralimpiya shon-shuhrati muzeyida 18-may — Xalqaro muzeylar kuni doirasida Mudofaa vazirligi bilan hamkorlikda “9-may — Xotira va qadrlash kuniga bagʻishlangan “Uch avlod uchrashuvi” tadbiri oʻtkazildi...

Olimpiya va paralimpiya shon-shuhrati muzeyida 18-may — Xalqaro muzeylar kuni doirasida Mudofaa vazirligi bilan hamkorlikda “9-may — Xotira va qadrlash kuniga bagʻishlangan “Uch avlod uchrashuvi” tadbiri oʻtkazildi.Unda Mudofaa vazirligi Faxriylar markaziy kengashi aʼzolari, harbiy xizmatchilar, shahrimiz aholisi va mehmonlari hamda muzey xodimlari ishtirok etdilar.Xalqimizda “Qadr koʻrsatgan qadr topadi” degan naql bor. El-yurt ravnaqi, xalq osoyishtaligi uchun xizmat qilgan fidoyi insonlar ezgu amallari sabab umrbod xotiradan oʻchmaydilar.Tadbirda Mudofaa vazirligi faxriylari Vatanga xizmat qilishdek sharafli kasbda orttirgan tajribalari, xizmat davrida erishgan yutuqlari haqida soʻzlab berdilar.Tadbir davomida Mudofaa vazirligining Alohida namunali-koʻrgazmali harbiy orkestri hamda Respublika xizmat koʻrsatgan Qurolli Kuchlar markaziy ashula va raqs ansambli xonandalari diltortar kuy-qoʻshiqlari bilan tadbirga koʻtarinki ruh bagʻishladilar.Tadbir soʻngida Olimpiya va paralimpiya shon-shuhrati muzeyi rahbariyati tomonidan tadbir mehmonlariga tashakkurnoma va esdalik sovgʻalari topshirildi.