Япония ҳукумати Токиода фавқулодда ҳолат тартибини жорий қилди, бу ҳолат 12 июлдан 22 августгача давом этади.
“NHK” тарқатган маълумотга кўра, Сайтама, Тиба, Канагава ва Осака префектураларида ҳам коронавирус чекловлари жорий қилинади.
Шу тариқа 23 июлдан 8 августгача Токиода бўлувчи Олимпиада ўйинлари вақтида фавқулодда ҳолат эълон қилинди.
Соғлиқни сақлаш вазири Тамура Олимпиадани уйда томоша қилишга чақирди.
Айтиш жоиз, Бош вазир Ёсихидэ Суга матбуот анжуманида COVID-19 га чалиниш айни кунларда, айниқса, 20 ёшдан 50 ёшгача бўлган фуқаролар орасида сезиларли ошаётганини маълум қилганди.
