Har bir inson hayotda qanday muvaffaqiyat va natijalarga erishgan boʻlsa, bu yutuqlar zamirida oʻqituvchilarning beqiyos hissasi borligini doimo minnatdorlik bilan eʼtirof etamiz. Ulugʻ shoirimiz Furqat ilm-maʼrifatni koʻngillarning sururi, koʻrar koʻzlarning nuri, deb taʼriflaganini hammamiz yaxshi bilamiz.
1-oktabr – “Oʻqituvchi va murabbiylar kuni” umumxalq bayram munosabati bilan Respublika olimpiya va paralimpiya sport turlariga tayyorlash markazida bir guruh sport murabbiylariga bayram dasturxoni yozilib, tadbir tashkil etildi.
